IiPSL ifuna unozinti weqela leKaizer Chiefs uItumeleng Khune acacise ngezithyolo azibhale kwikhasi lakhe lika Twitter. Lefty Shivambu/Gallo Images) IiPSL ifuna unozinti weqela leKaizer Chiefs uItumeleng Khune acacise ngezithyolo azibhale kwikhasi lakhe lika Twitter. Lefty Shivambu/Gallo Images)
Pedro Mapelo
Nangona izimvo ngendlela oosompempe abayiphatha ngayo imidlalo ibisoloko iyinto yabalandeli ngoku nabantu abadlala indima ephambili kwibhola ekhatywayo, baphumele elubala ngokungaxoli kwabo ngumsebenzi owenziwa ngonompempe.
Ukungonwabi kwabantu ababandakanyekayo ngqo kubangelwa kukungafuni ukuphulukana nemidlalo okanye amanqaku ngaphezu kwayo nayiphi na into. Imidlalo yePSL iyasongwa, ngoko ke namaqela afuna ukuphetha isizini ekwiindawo ezibhetele.
Kwiveki ephelileyo, umqeqeshi weMamelodi Sundowns uPitso Mosimane, uvakalise ukungonwabi zizigqibo ezithathwe ngusompempe obephethe umdlalo obuphakathi kweMamelodi Sundowns neMpumalanga Black Aces. Lo mdlalo uphele ebambene ngamagowuli, kuye umqeqeshi weSundowns, ubona ezigqibo zikaSompempe njenge zabangela iqela lakhe lingaphumeleli. Yena uKhune wanikwa amakhadi ngusompempe akhokelele ekubeni akhutshelwe ngaphandle ngethuba Amakhosi edlala namaZulu kwiveki ephelileyo. Emva komdlalo, lo nozinti wagxeka unompempe watsho esithi usukelwe engenzanga nto igwenxa.
“ Akumnandanga ukuphaxekwa ngamagama amabi ngenxa yezenzo zethu sibe sixhoxonxwa ngoosompempe, abantu bangandibiza ngamagama – kodwa ndimele inyaniso”, watsho uKhune kwikhasi lonxibelelwano uTwitter emva komdlalo.
Kodwa ngosuku olulandelayo lo kaKhune uye wazirhoxisa izityholo azenze ngoonompempe, watsho ecela uxolo kubo bonke abachaphazelekayo nakubalandeli bebhola ngokubanzi ngokungaziphathi kakuhle.
Ngoku abaphathi be-Absa Premier Soccer League bafuna acacise lento wayeyithetha kuTwitter ukuba wayethetha ukuthini na zingadlulanga iintsuku ezintlanu.
IChiefs ishiyeke nemidlalo ebalulekileyo kakhulu kwaye njengomye wabadlali abanamava, indawo yakhe isoloko
ikhona ngakumbi njengokuba bebengekho nakulo wayizolo umdlalo nomqeqeshi uStuart Baxter.
Umhlalutyi webhola ekhatywayo, osebenza kakhulu kwicala lophuhliso lwabadlali bebhola ekhatywayo abasakhulayo, uSinesipho Mali,
uthe ezizinto zenziwe nguKhune noPitso zizinto ezenzekayo ebholeni kodwa nanjengokuba beziinkokheli kufanele bazigade.
“uKhune yinkokheli yeqela elikhulu, akufanelanga aziphathe ngolwahlobo – kodwa siyazi ukuba xa kusondelwa emaphethelweni izinto ezinje ziyenzeka”,..utshilo uMali